Dagbók Ernu og Mödda

2002-07-15T20:09:00.000-07:00

Nýjustu færslurnar eru á www.ernaogmoddi.com/blogg

Þegar kötturinn er úti, leika....

2002-07-14T09:50:00.000-07:00

Ásthildur kíkti til mín niður á Manhattan á föstudagskvöldið. Við fórum út að borða í Litlu Ítalíu, og fórum svo og hittum Óla, vin hennar, á Itremerli á West Broadway. Þar var Óli með vinum sínum -svaka stuð í gangi. Á staðnum virtust samt ekki vera neitt nema rússneskar og lettneskar konur með skuggalegum amerískum karlmönnum. Ein þeirra var í styttsta pilsi í heimi, með bláasta augnskugga veraldar. Hún sat við barinn og borðaði sesarsalat og drakk með Grand Mariner, straight up!

Frá Itremerli fórum við á Nakta hádegisverðinn, þar sem var dúndurstemning að vanda. Við dönsuðum þar til lapprinar voru að detta af okkur til klukkan fjögur um nóttina. Sem betur fer var körfuboltaþjálfarinn ekki í dyrunum. Við skröltum heim í morgunsárið, og Ásthildur gisti hjá mér.

Í gær dró Ásthildur mig svo í endurhæfingu norður til New Canaan, þar sem við sátum í sólbaði við sundlaugarbakkann allan daginn og svo buðu Maggi og Edda öllum út að borða um kvöldið. Ég fór heim til mín í tóman kofann eftir það. Heilsan var nú ekkert frábær. Ég keypti froðublaðið Marie Claire til að lesa á leiðinni heim í lestinni, svona til þess að ofreyna nú alls ekki heilasellurnar við lestur, en þetta blað hefur mjög lítið lesefni, aðallega bara myndir af fötum og glingri, fullkomið fyrir þunna konu.

Þegar heim kom hjúfraði ég svo um mig upp í sófa og horfði á klassíkerinn Hannah and her sisters. Það var frábært, alveg þangað til að ég heyrði í músinni. Ég sem hélt að Miss Maddie hefði fælt hana í burtu. Mér stóð nú ekki alveg á sama að vera alein og óvarin heima, með mús í stofunni. Enginn Mörður til þess að vernda mig. Þannig að þegar ég fór að sofa hafði ég kveikt á öllum ljósum í stofunni og á sjónvarpinu líka, því einhvers staðar heyrði ég því fleygt að mýs fældust sjónvörp út af hátíðnihljóðinu. Svo lokaði ég hurðinni inn í svefnherbergið og setti viftuna á hæsta styrk, ekki af því að mér væri heitt, heldur til þess að framleiða sem mestan hávaða, þannig að ég myndi nú ekki heyra í músinn ef hún væri á vappi.

Ég get ekki beðið eftir því að meindýraeyðirinn komi í heimsókn.

Ný síða

2002-07-12T15:42:00.000-07:00

Lesendur góðir! Nú dregur til tíðinda í bloggheiminum, því við Mörður erum í þann mund að færa bloggið okkar á: www.ernaogmoddi.com/blogg

Lautarferð og barkvöld

2002-07-12T15:40:00.000-07:00

Gærdagurinn var fínn! Ég skellti mér í pikknikk líffræðideildarinnar. Það var gaman að hitta bekkjarfélagana aftur, en við höfum lítið hittst öll saman síðan að Core-kúrsinum sleppti. Það var mikið spjallað og eins og venjulega gerði Tim góðlátlegt grín að mér fyrir að vera Íslendingur (hann getur lítið sagt, hann er jú Bandaríkjamaður) og við Adelene og Noelia lögðum á ráðin um að skella okkur á kajaknámskeið saman og prófa að fara á kajak á Hudsonánni.

Eftir lautarferðina fór ég svo niður í bæ á bjórkvöld Íslendinga og hitti þar íslenska gengið. Hildur, Hulda, Sigga og Ísold voru í góðum gír, að Björgvin, framkvæmdastjóra Icexpress ógleymdum. Samkoman leystist þó óvenjusnemma upp og við fórum heim um eittleytið. Það var eiginlega ekki um annað að ræða en að forða sér, því það var einhver miður aðlaðandi amerískur karlmaður að abbast upp á mig, og hætti ekki þó hann vissi að ég væri gift. Honum fannst eiginlega bara hljóta að vera að ég, gifta konan, vildi einhverja tilbreytingu fyrst að ég væri ein úti að skemmta mér. Hildur sagði mér að svona væri þetta nú oft, þessir Kanar væru svo aggressífir. Ég er hins vegar nær alltaf á ferð með Merði, þannig að þá er ég alveg laus við svona vesen! Tjáh.. maður er háfvarnarlaus þegar eiginmaðurinn er í burtu!

Solbriller

2002-07-11T10:21:00.000-07:00

Júhú!!!! Við vorum að fá pakka í póstinum! Fyrir tveimur mánuðum síðan fengum við kynningartilboð í gegnum blaðið Backpacker, á sólgleraugum. Allt sem við þurftum að gera var að senda þeim miða og merkja við hvaða sólgleraugu á miðanum okkur langaði í, og borga sendingarkostnað. Þetta eru tvöhundruðdollara sólgleraugu stykkið, þannig að þetta var þvílíkur fengur fyrir fólk sem vantar sólgleraugu.

Og þau voru að koma í póstinum í dag. Mín eru ýkt kúl. Ég hlakka til að sjá Mödda með sín...

Crisp and clear

2002-07-11T07:02:00.000-07:00

Bjartur og ferskur morgun í New York. Það voru bara tuttugu gráður úti þegar ég vaknaði í morgun (fyrir klukkutíma síðan), og ég er því að íhuga að mæta ekki fyrr en eftir hádegi á labbið og nýta morguninn í smá hlaupasprett. Það er líka svo fínt að hlaupa svona í júlí, því að frjókornamagnið hefur lækkað mikið og ég get því dregið andann á hlaupunum. Það er svo lítið af frjói heima að þetta truflar mig venjulega ekki mikið, en hér er svo mikill gróður að stundum er eins og loftið sé mettað af frjókornum. Munurinn er líka að ég finn bara fyrir grasfrjóinu heima, en hér er svo mikð birki að ég fæ ofnæmi fyrir því líka.

Ég hef lítið að gera á labbinu í dag, ég er að bíða eftir að allt efnið í tilrauninrnar mínar komi í hús. Ég ætla samt að kíkja þangað eftir hádegi, og lesa kannski eina eða tvær vísindagreinar áður en ég fer í hina árlegu lautarferð doktorsnemanna í deildinni. Hún er nú reyndar bara fyrir framan bygginguna, en er ágætisafsökun fyrir því að skvetta í sig smá bjór undir berum himni og kannski næla sér í kjúllalegg, ef Justin bíður upp á svoleiðis. Ekki verður minna að gera eftir lautarferðina, því að í kvöld er annar fimmtudagur mánaðarins og brjórkvöld Íslendinganna suður á Telephone Bar. Ekki leiðinlegt!

Fararsnið á kallinum

2002-07-09T19:56:00.000-07:00

Nú er Mörður að pakka niður í töskur. Hann er að fara í sumarfrí til Íslands á morgun, þannig að ég verð grasekkja í tíu daga. Það verður pínu skrítið að koma alltaf heim í tóman kofann. Mér segir líka svo hugur að ég eigi eftir að vinna meira en undanfarið þar sem það verður ekki neitt sem dregur mig heim.

Ég hlakka líka til þess að Mörður komi heim aftur, sérstaklega af því að hann kemur kannski með soðningu úr Laxá í Mývatnssveit.

Skaftárhlaup

2002-07-08T22:15:00.000-07:00

Fréttirnar af Skaftárhlaupi minna mig á þegar við Mörður gengum á milli Sveinstinds, Skælingja og Eldgjár verslunarmannahelgina í hittifyrra. Þá var einmitt Skaftárhlaup og ótrúlegt að sjá hversu bólgin og brjáluð áin varð. Ég held líka að þessi leið sé ein sú fallegasta á Íslandi. Mér finnst hún að minnsta kosti fallegari en Laugavegurinn og svo leiðin sem við Herdís gengum í vor á milli Mývatns og Ásbyrgis, og þá er nú mikið sagt. Það er líka miklu meiri óbyggðafílíngur inni á Sveinstindi en á hinum tveimur leiðunum, manni líður einhvern veginn eins og maður sé staddur á tunglinu þegar maður stendur á Sveinstindi og horfir yfir landslagið. Þetta var líka svaka rómó að vera bara tvö á ferð í þrjá daga, og ekki skemmdi brakandi blíðan fyrir.

Bull.. acute.. aelig

2002-07-08T20:29:00.000-07:00

Ég hata Makka. Ég verð alltaf fúl þegar ég sé: Switch auglýsingarnar í sjónvarpinu. Núna var ég búin að skrifa færsluna hér á undan með þvi að nota unicode táknin fyrir alla íslensku stafina, því Lyklaboðssían hans Sindra virkar ekki í Makkintoss. Svo þurfti ég að breyta dálitlu og ýtti á Edit og þá hurfu allir íslensku stafirnir....

Þess má geta að þessi færsla var líka skirfuð þannig. Ég ætla sko ekki að ýta á Edit núna.......

Bakið betra, gelbið og tveir kossar.

2002-07-08T20:18:00.000-07:00

Jæja, mér er næstumþvi batnað i bakinu, thannig að ég er ekki thess heiðurs aðnjótandi lengur að bera viðurnefnið Kroppinbakur. Er það vel.

Mánudagar eru pínulítið erfiðir á nýja labbinu. Það eru nefnilega labbfundir á mánudagsmorgum,fram yfir hádegi, þannig að ég byrja aldrei á neinu fyrr en í fyrsta lagi klukkan eitt. Þetta verður svo enn erfiðara í vetur ef ég verð á þessu labbi, því frá tólf til rúmlega eitt er málstofan, þar sem ýmsir vísindamenn flytja erindi.

Þessari mánudagsstemningu virðist fylgja vinna frameftir, ég sit hér enn á labbinu klukkan rúmlega ellefu og bíð eftir því að gelin mín klárist. Það er reyndar bara kósí. Ég er búin að vera að dúlla mér við að búa til allskonar lausnir sem ég þarf að nota og hlusta í leiðinni á rokk í útvarpinu.

Það versta er að ég næ sennilega lítið að hitta Mörð í dag, hann kyssti mig bless thegar ég var hálfsofandi í morgun og svo mætti ég honum þegar ég var á leiðinni heim í kvöldmat og hann á leiðinni í skvass í gymminu, en þar smellti hann á mig öðrum kossi.

Hunchback takes the town...

2002-07-06T18:21:00.000-07:00

Krypplingurinn er nú bara búinn að vera býsna aktífur í dag. Ég vaknaði með þá ofskynjun að mér væri batnað í bakinu, en ónei, eftir að hafa sest niður með seríós og tékkað á póstinum mínum og lesið mbl.is (staðalmorgunrútínan á þessum bæ) komst ég að því að ég halla enn aðeins til hægri og á erfitt með að beygja mig.

Ég fór í tilgangslausa ferð í vinnuna, við fundum engin dNTP í PCRið mitt, og það er frekar tilgangslaust að pje-sé-erra án njúkleótíða, þannig að ég ákvað að þjálfa á mér bakið og fara í göngutúr. Það vildi svo skemmtilega til að göngutúrinn lá fram hjá nokkrum búðum, og ég endaði á því að kaupa svarta plattformskó og stuttermabol, allt í boði Visa. Ég íhugaði að finna svona hjálpartækjabúð fyrir fatlaða og kaupa mér svona göngugrind á hjólum til þess að auðvelda mér gang. En þá fann ég barasta að bakinu leið mikið betur og ég plampaði hress í bragði heim á leið. Það er alveg ótrúlegt hvað smá sjoppíng getur gert fyrir heilsuna.

Ég var svo hress þegar ég kom heim, að ég fór og hljóp fimm mílur (lesist með enskum hreim) og eldaði svo karrýhrísgrjón a' la Rose Elliot, handa mér og manninum mínum. Með þessu áframhaldi hleyp ég maraþon og held hundraðmannaveislu næsta laugardag.

Independence Day

2002-07-05T06:53:00.000-07:00

Fjórði júlí var frábær! Við tókum okkur bæði frí og fórum til Conneticut, þar sem Edda og Magnús, sem Ásthildur er hjá héldu sína árlegu grillveislu. Það var alveghreint grillandi heitt úti, þannig að börnin léku sér í sundlauginni, en fullorðna fólkið spjallaði saman í skjóli undir trjánum. Þetta var heldur engin lítil veisla, það voru örugglega fimmtíu manns á svæðinu. Það var alveg frábært að hitta Ásthildi aftur, en hún verður uppfrá næstu vikuna að passa heimasætuna á bænum og sjá um heimilið. Það stefnir allt í að ég fari í húsmæðraorlof til hennar þarnæstu helgi þegar Mörður verður á Íslandi.

Um áttaleitið hélt svo hersingin út í garð sem er þarna í nágrenninu til þess að horfa á flugeldasýningu. Þar voru velflestir íbúar bæjarins búnir að koma sér fyrir á teppum á grasflötinni. Þetta var sko alvöru pikknik, því að Magnús bauð upp á samlokur og bjór og kalda kjúklingaleggi á meðan við biðum eftir að sýningin byrjaði.

Flugeldasýningin var sú flottasta sem ég hef séð. Ég hafði orð á því við Mörð að þetta væri nú pínu öfugsnúið, það tilheyrir frekar í manns huga að vera í roki og gaddi að horfa á flugelda, ekki í þrjátíuogfimm stiga hita og logni. En út af þvi hvað loftið var kyrrt fengu flugeldarnir að njóta sín enn betur. Sýningin byrjaði samt rólega, en varð svo flottari og flottari eftir því sem á leið, og endaði svo á svaka látum og rauðum, bláum og hvítum litum meira en hálftíma seinna!

Það er óhætt að segja að Magnús og Edda séu gestrisið fólk, því glæslegri grillveislu man ég ekki eftir!

Biðin endalausa.

2002-07-03T17:18:00.000-07:00

Nú sit ég bara og bíð eftir því að gelin mín klári að keyrast, svo að ég geti haldið heim eftir tilraunir dagsins.

Á morgun er svo "Independence Day" og við Mörður ætlum að taka okkur frí frá vinnu og fara í barbecueveislu sem hún Ásthildur bauð okkur í . Ásthildur er nefnilega stödd í Conneticut einu sinni sem oftar, en hún fer stundum í heimsókn Þangað til fólksins sem hún var au Pair hjá. Það verða því fáir virkir dagar sem ég næ að vinna í þessarri viku, en helgin er einmitt tilvalinn tími til þess ad vinna það upp!

The Hunchback of West 113th Street.

2002-07-03T07:02:00.000-07:00

Tjæjah! Þá er kryppan óðum að minnka og ég hef hugsað mér að fara í vinnuna í dag og jafnvel bara vinna svolítið!

Dóptripp

2002-07-02T13:28:00.000-07:00

Ég komst að því áðan að ég er með ofnæmi fyrir acetaminophene. Ég tók fyrsta skammtinn af verkjalyfjunum, og korteri seinna fékk ég dæmigerð einkenni; Mér hitnaði í framan og fór að klæja í hársvörðinn og lófana. Þegar ég stóð upp til þess að ná í ofnæmislyfin (úff, ég er orðinn alger pill-popper!), varð ég alveg gersamlega hlessa, því ég þurfti ekkert að styðja mig við borðið og setja mig í einhverja fáránlega stellingu til þess að standa upp. Ég át ofnæmislyfin og teygði glöð úr bakinu og minnkaði þar með enn frekar vöðvakrampana. En stuttu seinna fór mér að líða eins og ég hefði drukkið svosem eins og hálfa flösku af hvítvíni, þannig að ég skreið inn í rúm og rotaðist í tvo tíma.

Mér til mikillar ánægju var ég svo að finna pakka af parkódíntöflum inn á baði hjá okkur, sem eru leifar frá því það var keyrt á mig fyrir nokkrum árum. Einhvern veginn höfðu þær komið með alla leiðina til Ameríku. Guði sé lof fyrir kódein!

The Militant

2002-07-02T11:00:00.000-07:00

Ég hef einmitt orðið fyrir svipaðri reynslu og hann Ágúst, þar sem það er oft reynt að pranga inn á mann The Militant hérna á Columbia skólalóðinni. Mér finnst það frekar fyndið að þeir standi fyrir utan ISAL (eh.. ég meina Alcan) að reyna að selja blaðið. Ég er heldur ekki jafnforvitin og Ágúst, og hef aldrei keypt blaðið. Það er sennilega vegna þess að ég hef svo oft lent í gyðingum sem eru að reyna að heilaþvo mann á skólalóðinni og líma á mann ísraelska fánann, að ég tek öllu prangeríi af mikilli varúð.

Kryppa

2002-07-02T08:42:00.000-07:00

Í dag er fimmti dagurinn minn sem krypplingur. Ég fór að lyfta í gymminu á föstudaginn, rétt eins og venjulega, en hef gengið um skökk alveg síðan. Ég var meira að segja heima í gær, og svo aftur í dag, þannig að í dag er fjórði dagur æfi minnar sem ég hef verið frá vinnu vegna veikinda.

Ég fór til læknis í morgun og teygði mig og beygði eins og ég gat fyrir hana, og hún gaf mér nú örlitla von um að ég myndi ekki verða krypplingur það sem eftir er æfinnar. Hún gaf mér tilvísun á einhvern lækni niður á Madison Avenue, og skrifaði upp á kódein fyrir mig, en hér í Ameríku fæst kódein ekki nema með uppáskrift.

Nú vandast hinsvegar málin, því að sjúkratryggingafélaginu mínu láðist að senda mér kort í haust sem sannar að ég sé tryggð hjá þeim. Þess vegna tekur tvo tíma hjá apótekinu að afgreiða nokkrar verkjatöflur, en það sem verra er, ég hef ekkert til þess að sýna ef ég fer til dr. Fazzari á Madison Avenue. Ég býst því við því að ég eigi eftir að verja deginum í dag í ótal símtöl til þess að komast að því hvernig ég geti fengið svona kort.

Vonbrigði

2002-07-01T17:43:00.000-07:00

Ég er búin að sitja hér í tvo tíma og dunda mér við að setja Movable Type upp á heimasvæðið mitt á Columbia vefþjóninum. Þegar ég var búin að koma öllum fælum fyrir þar sem þeir áttu að vera og stilla aðganginn að þeim öllum og ætlaði að keyra uppsetninguna gerðist ekki neitt, og ég fékk einhver skilaboð um það að valmöguleikinn um að keyra CGI skript væri á "OFF". Ég plægði því í gegnum heimasíður á Columbia til þess að komast að því hvernig ég gæti stillt á "ON", og komst þá að því að ég hef ekki leyfi til þess að keyra mín eigin CGI script á Columbia vefnum. Þvílíkur bömmer!!! Ég sem var bara millimetra frá því að losna undan Blogger og öllu veseninu sem fylgir því að hafa bloggið sitt á Blogspot.

Ég hafði þó það upp úr krafsinu að ég lærði smá í UNIX. Það sem kom mér mest á óvart var samt að tölvunarfræðikennslan úr fjórða bekk í MR kom í góð not. Allt í einu hljómuðu fyrir eyrum mér leiðbeiningarnar hans Kalla tölvunarfræðikennara, og þær spöruðu mér ófá sporin. Svona hluti man maður þrátt fyrir að hafa ekkert notað nema Windows í 10 ár!

Financial district, Víetnam og mýs

2002-07-01T06:20:00.000-07:00

Við hittum Josh og Melissu niðri í bæ í gær. Tilgangurinn var sá að Josh vildi æfa sig á okkur, en hann verður leiðsögumaður í borginni í sumar. Við fórum alveg niður að suðurodda eyjunnar, niður á Wall Street og röltum að gamla Tollhúsinu og hittum þau þar. Hann Josh var rosalega "pró" meira að segja með plöstuð spjöld með myndum af fólki sem setti mikinn svip á sögu eyjunnar og myndir af því hvernig svæðið leit út áður fyrr. Hann veit líka svo mikið um sögu New York að við vorum alveg hissa. Það kom okkur líka margt á óvart sem hann sagði okkur, og það var margt sem maður hafði aldrei leitt hugann að.

Eftir leiðsöguferðina, sem tók um tvær klukkustundir, fórum við út að borða. Við fórum á Víetnamskan stað sem Josh hafði heyrt um. Staðurinn lét ekki mikið yfir sér, hann er í jaðrinum á Chinatown, og við þurftum að labba niður snarbrattar tröppur til að komast þangað inn, þetta var svona eins og að hverfa ofaní holu í jörðinni. Staðurinn lét heldur ekki mikið yfir sér innan frá, en maturinn var frábær. Við fengum okkur skelfisk, innbakaða önd, steikt eggaldin, rækjupaté á sykkurreyr, kjúkling og vorrúllur, og deildum öllum réttunum á milli okkar. Það er líka svo gaman að borða þannig. Maturinn var líka hræódýr, ég held ég hafi aldrei borðað jafnódýrt úti á Vesturlöndum.

Eftir matinn röltum við svo í gegnum Chinatown og inn að Little Italy, þar sem Josh og Melissa keyptu ítalskt sætabrauð, svokölluð Canoli (ef þið hafið heyrt orðatiltækið "holy canoli" þá á það einmitt við um svona nammi). Við héldum heim á leið og borðuðum svo Canoli heima hjá Josh og Melissu.

Þau búa beint yfir okkur, og þegar við sögðum þeim frá næturgesti helgarinnar, sögðu þau að Miss Maddie, kötturinn þeirra hefði einmitt verið óróleg og spáð mikið í horninu undir stofuglugganum, en það er einmitt nákvæmlega sami staður og við héldum að músin hefði farið á inni hjá okkur. Við erum eiginlega á því að hún búi inn í stóra speglinum sem er innbyggður í stofuvegginn. Þetta fer að verða spurning um að fá sér kött.

Næturgestur

2002-06-30T06:01:00.000-07:00

Þegar við sátum og horfðum á sjónvarpið í gærkvöld, heyrðum við allt í einu eitthvað torkennilegt hljóð inni í eldhúsi. Mörður stóð upp og ætlaði að skrúfa fyrir kranann, vegna þess að það dropaði úr honum, en svo var ekki raunin, það var alveg skrúfað fyrir kranann. Þegar hann settist aftur heyrðum við hljóðið aftur og slökktum á loftkælingunni og sjónvarpinu. Já, það bar ekki á öðru, það kom eitthvað skrjáf úr eldhúskróknum.

Ullabjakk, ég sá fyrir mér risavaxna kakkalakka undir ísskápnum okkar. Við héldum algerlega kyrru fyrir til þess að reyna að staðsetja hljóðið, og þá allt í einu sá ég eitthvað grátt loðið kvikindi skjótast meðfram arinhillunni og á bakvið blaðakörfuna. Ég argaði náttúrulega upp yfir mig að það væri mús eða rotta hérna inni. Eftir það hófst mikil leit, því dýrið hafði horfið eitthvert, en við lýstum inn í öll skúmaskot í íbúðinni og reyndum að finna gestinn. Allt kom þó fyrir ekki, við fundum ekki músina. Það er því óhætt að segja að við höfum haft næturgest í íbúðinni.

India

2002-06-29T08:55:00.000-07:00

Í gærkvöldi kíktum við á indverskan veitingastað sem Mörður hafði tekið eftir um síðustu helgi. Þegar ég kom inn á staðinn mundi ég einmitt hvað það var sem mér líkaði best við Indverja á ferðum mínum í þeirra landi. Það er einlægni þeirra, sem jaðrar við að vera barnsleg á köflum. Staðurinn var kósí, skreyttur með speglateppum og myndum frá Indlandi. En það sem gerði þennan stað að ekta indverskum í mínum huga voru ljósaseríurnar og plastblómin út um allt sem voru gersamlegt stílbrot á stemmningunni sem speglateppin og sítartónlistin gáfu. Indverjar eru nefnilega svo mikil krútt, þeir elska ljósaseríur og hafa þær út um allt, helst blikkandi! Þjónarnir voru líka gæddir sömu einlægninni og skreytingarnar gáfu til kynna. Einn þjónanna spurði okkur hvaðan við værum og þegar við sögðum að við værum frá Íslandi horfði hann á okkur tómu augnaráði, ákvað svo greinilega að gera gott úr hlutunum og sagði: "Yes, Iceland, I´ve heard of it. In Iceland there are many many white bears!" Ehemm.. ég sagði kurteisislega að það væri rétt, að það kæmu annað slagið isbirnir upp að strönd íslands.

Þegar þjónninn kom svo aftur hafði hann greinilega ráðfært sig við félaga sína, því hann sagðist hafa séð þátt um Ísland og að þar væri ekki mikill snjór, en fólk væri almennt svona bleikt á litin eins og við og með blá augu. Hann var svo ánægður með íslensku viðskiptiptavinina að hann sagði okkur að þjónustan væri innifalin í reikningnum þegar hann kom með hann að borðinu, og gaf okkur kanilte.

Við vorum södd og sæl þegar við gengum út, og ég var komin með fiðring í magann, mig langaði svo aftur til Indlands. Einhvern tíman ætla ég þangað aftur og tek ekki annað í mál en að Mörður komi með.

Heilasulta

2002-06-27T16:57:00.000-07:00

Ég held að heilinn á mér sé að þynnast út. Að minnsta kosti finnst mér hann alltaf sýna meiri og meiri tregðu gegn vitsmunalegri örvun. Hann vill helst bara hanga þarna inni í hauskúpunni á mér í algerri slökun. Dingla sér þarna bara og láta eins og hann hafi ekkert verk að gera, engu að sinna.

Að minnsta kosti er ég búin að vera ótrúlega dugleg við það í dag að forðast vitsmunalegan þankagang, allavegana þegar kemur að vísindum. Ég þurfti reyndar að verja morgninum í skriffinnsku af því að það var verið að setja mig á launaskrá hjá deildinni minni, en það krefst slatta af skriferíi, og að ekki sé minnst á göngutúrana á milli bygginga! Þetta slær meira að segja HÍ út, því þar töltir maður bara yfir Suðurgötuna ef Pálma vantar eitthvað, en hér þarf ég alltaf hreint að vera að fara á alþjóðaskrifstofuna sem er korterslabb í burtu.

Þegar ég kláraði vinnuna, þá var planið að drífa mig heim og byrja að lesa á fullu um próteinið sem ég er að fara að klóna og tjá. En, ég þurfti aðeins bara að skreppa í bókabúðina til þess að kaupa svona "file organizer" til þess að raða öllum vísindagreinunum í sem ég er búin að vera að lesa, vúps, ég meina prenta út undanfarið. Á leiðinni upp stigann í bókabúðinni sannfærði ég sjálfa mig um að ég þyrfti nú barasta að elda kvöldmat, því það gengi ekki að borða bara eitthvað einfalt og létt, því Mörður fengi sér þá bara seríós í kvöldmat ef ég væri búin að borða á undan honum. Sem betur fer skall á þrumuveður sem forðaði mér frá því að koma við í kjörbúðinni og kaupa í matinn.

Þegar heim kom skellti ég í rísottó, en akkúrat þegar það var tilbúið hringdi Mörður og sagði að sér seinkaði úr vinnunni þar sem hann væri að bíða eftir faxi, og svo væri Björgvin að draga hann á barinn. Jamm, þannig að ég slafraði bara í mig mínu rísottói með ólífum og sveppum og á meðan notaði ég tímann til þess að fylla út kreditkortaumsókn sem ég fékk senda í póstinum. Ég veit reyndar alveg að ég fæ ekkert þetta kreditkort (þetta var meira að segja svona æ lov njúf jork vísakort), en það er um að gera að reyna!!!! Svo þurfti ég náttúrulega að vaska upp eftir matinn. Og hvað er ég að gera núna... jamm, BLOGGA!!! Það næsta sem ég tek mér fyrir hendur verður sennilega að flokka greinarnar mínar í skjaladótið sem ég keypti mér, og merkja alla vasana með skonsumiðum.... Svo loksins þegar ég verð búin með allar þær skonsuathafnir sem heimilið býður upp á, þá verður klukkan orðin allt of margt til þess að ég geti hugsað um klónun og tjáningu í meira en eina mínútu...

2002-06-27T05:53:00.000-07:00

hahahahahah! nú er javaskriptið fyrir íslensku dagsetningarnar farið í klessu eftir að ég vogaði mér að breyta aðeins templatinu. Þar sem ég hef ekki tíma til þess að laga þetta núna verðið þið að njóta þessa kjaftæðis í dag!

2002-06-27T05:11:00.000-07:00

Haldið þið ekki að ég hafi fundið bloggið hans Svenna Guðmars!

Steinaldarmenning frá ****íti

2002-06-26T18:04:00.000-07:00

Djísöss!! Þetta er að gerast hérna bara rétt við þröskuldinn hjá manni! Það er svo ótrúlegt hvað Bandaríkjamenn eru eftirá í jafnréttismálum, það er algerlega hneykslanlegt verð ég að segja. Ég verð bjááááluð þegar ég les þetta. Hér í landi er það viðtekin venja að konur hætti bara að vinna þegar þær verða óléttar og taka sér eitt til tvö ár til þess að ala upp barnið. Auðvitað er ekkert að því, en feðurnir gera þetta ALDREI!!! Fæðingarorlof er ekki bundið með lögum, og venjulega fær foreldri ekki greidd nein laun í fæðingarorlofi. Hjá sumum fyrirtækujum er fæðingarorlof aðeins tvær vikur. Og þegar maður talar um feðraorlof, þá eru Kanarnir sko ekki að fatta hvað maður á við. Paternal leave? Hvað er það? Eiga feður að hugsa um litlu börnin sín? Og það er líka mjög erfitt að útskýra það fyrir fólki að lögbundið feðraorlof geti jafnað stöðu kvenna á vinnumarkaðnum.

Algert Bíó

2002-06-25T19:00:00.000-07:00

Það er alltaf verið að taka upp bíómyndir á Columbia campusnum. Fyrir um tveimur vikum síðan var eitthvað svaka dæmi í gangi, þvílíkt sett á tröppunum fyrir framan Low Library og fjöldinnn af fólki í kringum leikarana, sem var að setja upp settið og færa til allar græjurnar, var ótrúlegur. Það var líka svona hvítur risastór bíll á Broadway, með dyrum á hliðunum og hver hurð var merkt með númerí á leikara. Þetta hefur örugglega verið "stjörnubíllinn" sem er með búningsklefum leikaranna.

Í dag var svo aftur eitthvað skrítið í gangi á tröppunum á áðurnefndu Low Library. Það var búið að raða upp um 20 stólum í einn hnapp á tröppunum, og svo var þarna lítill pallur með hljóðnema. Þetta stóð svona þarna í allan dag, í hádeginu var eitthvað fólk að skreyta pallinn með blómum, en svo um sexleytið þegar ég rölti inn í skóla aftur, var komið fullt af liði í leikstjórastóla þarna út um allt, og svo var urmull af fólki sem gekk um í rauðum svona Harrý potter/ Útskriftarbúningi, en litur Columbia er blár, þannig að þetta var greinilega hluti af bíómyndinni. Það sátu líka nokkrir leikarar uppi á pallinum í svona prófessorahempum, og það var verið að sminka þá, en flestir aðrir á svæðinu litu frekar gúffílega út og voru bara að bora í nefið og bíða eftir að tökur hæfust eða eitthvað.

Klukkutíma seinna þegar ég tölti aftur heim á leið, var búið að setja upp svona teina, með stól á fyrir kvikmyndatökumanninn, fyrir framan kapelluna og nokkrar manneskjur komu gangandi með leikstjórastólana sína undir hendinni og settu þá upp þarna rétt hjá.

Þegar Mörður kom svo heim klukkan hálfátta sagði hann mér að hann hefði þurft að labba frá 116 og Amsterdam Avenue, af því að Broadway var lokuð fyrir umferð. Mig grunar að það sé vegna þess að það sé verið að taka upp þessa bíómynd á Broadway í kvöld.

Miðgarðsskokk

2002-06-25T14:23:00.000-07:00

Nú var ég að koma úr skokktúr í Miðgarði, einu sinni sem oftar. Garðurinn bauð ekki upp á neitt óvenjulegt eða fyndið að þessu sinni, bara hita og meiri hita og svita. Annars er ég þokkalega ánægð með skokkhringinn minn, því það er svo góður skuggi af trjánum sem slúta yfir stíginn að sólin nær ekki mikið að baka konu sem tekur upp á því að fara út að skokka (ég voga mér sko ekki að segja hlaupa) á heitasta tíma dagsins. Mílurnar virtust 10 en ekki 5 í öllum þessum hita, úff maður. En þá er það bara að skella sér í sturtu og aftur á labbann.

Tíkin

2002-06-25T05:50:00.000-07:00

Mér finnst Hulda hitta algerlega í mark með þessari grein! Það er nefnilega alveg fáránlegt á Íslandi hvað það er vælt í fólki um að eignast börn, eins og það sé barasta skylda og helst sem fyrst eftir að fólk byrjar að búa saman.

Urr

2002-06-24T19:41:00.000-07:00

Ég held nú barasta að ein meginforsendan fyrir því að það komist á friður í Palestínu sé að Ísraelar kjósi sér nýjan leiðtoga. Arafat er að minnsta kosti að sýna vilja til samninga en það gerir Sharon ekki, og svo skil ég ekki þennan hroka að tala um að Arafat sé ekki treystandi. Sharon er sko ekkert frekar treystandi. Og ekki má heldur gleyma því að Ísraelar beyttu Palestínumenn hryðjuverkum og réðust að þeim og kviðristu meira að segja óléttar konur, hér fyrir rúmum fimmtíu árum síðan. Þetta olli svo mikilli skelfingu að flestir Palestínumanna flúðu Ísrael og hafa ekki átt afturkvæmt síðan. Og svo þykjast Ísraelar vera svo heilagir og stunda ekki hryðjuverk, á meðan grunnurinn að ríki þeirra byggir á hryðjuverkastarfsemi. Ég er orðin svo leið á þessari hræsni í Ísraelum.

Ég held samt að málið með Bush í þetta skiptið er að hann hefur ekki meirihluta á bakvið sig á þingi þegar hann stingur upp á að ríki Palestínumanna verði stofnað, þannig að hann þarf að fara svona bil beggja. - Bleyða og ekkert annað.

Ég skil það líka alveg að Arafat og hans þjóð hafi hikað við að taka samningstilboðinu sem Ehud Barak gerði þeim í Camp David á sínum tíma. Arafat hefði þurft að ganga að þeim skilmála að Palestínumenn sem Ísraelar gerðu landflótta á sínum tíma, frá Ísrael, ættu ekki afturkvæmt. Auðvitað vildi hann ekki taka því umhugsunarlaust, en hann fékk engan frest til þess að ræða þetta mál heima í sinni ríkisstjórn. Og viti menn. Nú eru Ísraelar búnir að snúa svo upp á handleggin á Arafat og pína og pynda þjóð hans svo duglega að hann á ekki margra kosta völ.

Þrumurveður?

2002-06-24T11:13:00.000-07:00

Ég held að það stefni allt í þrumuveður í kvöld, það er svo heitt og rakt úti. Við færðum loftkælinguna inn í stofu í gær, en ég var samt alveg að kafna þar sem ég sat og las. Úff! Ég hlakka ekki til hitans í júlí og ágúst.

Vöndur

2002-06-22T09:42:00.000-07:00

Mörður kom mér ekkert smá á óvart áðan! Hann fór út í þvottahús með þvottinn okkar og kom til baka með blómvönd handa mér í tilefni af brúðkaupsafmælinu okkar. Vííí.. ég var ekkert SMÁ ánægð =)

Brunaæfing?

2002-06-21T20:51:00.000-07:00

Þegar ég kom röltandi heim úr gymminu seinnipartin var uppi fótur og fit á 113 stræti og Broadway. Það voru 6 slökkviliðsbílar og 2 sjúkrabílar í götunni og öll umferð um Broadway var stöðvuð. Mér brá aðeins, og svo varð ég forvitin, því að hvergi var reyk að sjá. Ég var ekki með lykla á mér og þurfti að bíða eftir Merði, og ákvað að bíða á götuhorninu og sjá hvað væri í gangi.

Allt í einu keyrði einn slökkviliðsbílanna út á mið gatnamótin og lagði þar þvert á strætið og stiginn á toppnum tók að lyftast. Mér datt í hug að þeir ætluðu að setja stigann upp að byggingunni sem ég stóð við, en nei, stiginn fór ekki lengra en upp að næsta ljósastaur. Svo klifraði einn slökkviliðsmannanna upp stigann og tók niður ameríska fánann sem hékk í einni flækju á ljósastaurnum. Slökkviliðsmaðurinn klifraði niður aftur og stiginn var dreginn niður. Í sömu andrá flugu þrjár herþyrlur yfir.

Maður í húsvarðarbúningi sem stóð við hliðina á mér hristi hausinn; "Is this what this is all about? Taking down some tangled flag? They had three fighter jets flying over here last week, and no one knows why!" Ég hugsaði eitthvað svipað, hversvegna í ósköpunum voru þeir að taka fánann niður. Svo liðu nokkrar mínútur án þess að nokkuð gerist. Þvínæst hófs stiginn á slökkviliðsbílnum á loft á ný, og aftur upp að ljósastaurnum. Sami slökkviliðsmaður og áður gekk upp stigann, og setti fánann aftur á sinn stað, en nú var búið að leysa úr flækjunni sem var á fánanum, þannig að hann blakti við hún. Síðan gekk gaurinn niður aftur, stiginn var halaður inn og brunabíllinn keyrði í burtu. Hinir bílarnir týndust svo af svæðinu, einn af öðrum.

Stuð

2002-06-21T09:11:00.000-07:00

Það er svaka gaman á nýja labbinu. Skemmtilegasta labbið hingað til. Það eru allir svo duglegir að hjálpa mér, og svo hjálpast allir svo mikið að, meira en ég var vön á hinum löbbunum.

Ella stjórnar daglegu amstri á rannsóknarstofunni af mikilli röggsemi, og passar að alls staðar sé allt á réttum stað og allt hreint og fínt.

Fyrir utan stinkskápinn þar sem við vinnum með geislavirk efni stendur til dæmis:
"Children with more than four limbs get teased and are expensive to raise. -So, clean up after yourselves!"

Hróp

2002-06-21T05:16:00.000-07:00

Það er greinilegt að Bandaríkjamenn eru að spila fótboltaleik núna. Ég þurfti nefnilega enga vekjaraklukku, heldur vaknaði óvenju snemma (fyrir átta!) við stunurnar og hrópin í fólki í húsunum í kring sem er að horfa á leikinn.

Svona var þetta líka á kvöldin síðasta vetur, ef það var New Yorkur lið að spila í ameríska fótboltanum, þá ætlaði stundum allt að verða vitlaust "á blokkinni".

HM

2002-06-20T17:21:00.000-07:00

Ég get varla beðið eftir að leikir næturinnar byrji. Leikur Englands og Brasilíu er klukkan hálf þrjú í nótt og leikur Bandaríkjanna og Þýskalands um klukkan sjö. Það verður ekkert sofið í nótt. Bara drukkið mikið kaffi og eldspýtur í augnalokin til að halda þeim uppi. Annars er þetta svo spennandi að það verður varla mikið mál að halda sér vakandi. Mér finnst reyndar aðdáunarvert hvað margir hér fylgjast með þessum leikjum, maður heyrir af íslendingum sem sofa í vinnunni og vaka yfir leikjunum. Það eru langar biðraðir inn á bari sem eru með opið og sýna leikina. Það þarf að mæta nokkrum klukkustundum fyrir leiki til að komast inn. Ég held reyndar að þetta séu allt Evrópubúar, þó hef ég vaknað upp við fagnaðarlæti þegar lið Bandaríkjanna hefur verið að spila.

Hver er annars spáin fyrir leiki næturinnar. England vinnur þrjú eitt og þýskaland vinnur fimm núll. Við erum með veðmál í vinnunni þar sem við spáðum fyrir um öll úrslit í keppninni. Ég spáði því að Bandaríkin myndu ekki vinna leik og nú er kominn tími til að sparka þessu leiðindarliði út í hafsauga.

Kvennakaffi

2002-06-19T16:26:00.000-07:00

Ég er ekkert smá stolt af móður minni og þessu uppátæki hennar í morgun að mæta á upphlut í vinnuna til þess að minna á kvennadaginn! Sagan flaug fjöllum hærra í Álverinu þar sem hún vinnur, og á endanum var haldið kvennakaffi í fyrir konurnar í fyrirtækinu. Ég frétti að Rannveig Rist hafi meira að segja monntað sig af því í Kastlósinu að það hafi verið haldið kvennakaffi í ISAL!

19. júní

2002-06-19T06:22:00.000-07:00

Tjáh.. svona er netið magnað ég frétti meira að segja hvernig mamma mín er klædd í vinnunni! Hún mætti á upphlut í vinnuna. Það eru sko ekki allar konur sem halda upp á 19. júní með slíkri reisn! Gleðilega hátið konur!

Siv!!!

2002-06-18T20:37:00.000-07:00

Hah.. ef þetta er rétt sem Hr. Muzak segir um hana Siv, þá útnefni ég hana hér með heimskasta ráðherra sem Lýðveldið Ísland hefur átt. Reyndar kemur þetta svosem ekkert á óvart, það hefur löngum verið ljóst að kerlingin er nú engin mannvitsbrekka.

2002-06-18T14:30:00.000-07:00

Ég var að enda við að lesa grein í New York Times um Íslenska Erfðagreiningu. Þar var stór mynd af Asthmatrénu og næstumþví tveggja síðna grein um fyrirtækið.

Þetta var mjög jákvæð umfjöllun, en samt var einhver Dr. Cox frá NIH sem var með einhverja neikvæðni, hún virtist aðallega pirruð yfir því að það væri ekki búið að birta neitt af niðurstöðum fyrirtækisins. Reyndar var líka gagnagrunninum ruglað saman við rannsóknastarfsemina sem fer fram í fyrirtækinu, en það er mjög algengt að fjölmiðlar skilji ekki muninn á þessu tvennu.

Ég var ekkert smá ánægð með þessa grein, og þetta er strax farið að hafa jákvæð áhrif á hlutabréfin!

2002-06-18T06:58:00.000-07:00

Það er ágætt að einhverjir fjölmiðlamenn hér vestanhafs sjái mál Palestínu og Ísraels svona... Ég er orðin ansi þreytt á einhliða málflutningi fjölmiðla hér. Annars var líka ágætis heimildarmynd á Discovery á föstudaginn, sem tók sögu Palestínu og Ísraels fyrir. Sú mynd var heldur ekkert of hliðholl Ísrael. Hún tók ekki málstað Palestínu heldur, en málaði upp mjög svarta mynd af Sharon sem miskunnarlausum hermanni... Það var mjög áhugavert að horfa á þetta, en auðvitað hlýtur umfjöllun um þetta viðkvæma mál að vera erfið í meðförum.

Beer, Bier, Cervesa, Bjór, Öl...

2002-06-17T18:31:00.000-07:00

Dagurinn fór nú betur en á horfði hér fyrr í dag. Ég var búin að vinna mikið fyrr en ég bjóst við, eða klukkan átta, þannig að ég náði að fara á journal club skipulagsfund og svolgra í mig einum bjór með krökkunum áður en ég fór heim. Það var svaka stuð á fundinum og líffræðingabrandararnir flugu þvers og kruss yfir herbergið.

Ég er þokkalega ánægð að vera hérna´"downtown" í sumar, á aðalcampusnum, því að það eru svona hlutir í gangi, eins og að hittast einu sinni í viku og lesa saman vísindagrein yfir bjór og kannski smá pizzu.

Og nú er kósíkvöld heima, því ég þarf ekki að læra fyrir neina kúrsa í dag og get því bara hjúfrað mig upp að Merði á meðan þrumunum lýstur niður fyrir utan gluggan hjá okkur.

Hmu

2002-06-17T13:20:00.000-07:00

Það er ekki haldið upp á sautjándann hér í Ameríku. Að minnsta kosti er enginn frídagur í dag hér vestra.

Ég mætti í vinnuna að vanda í morgun, en ég get ekki sagt að þessi dagur hafi verið gleði og ánægjuríkur. Það hefur eiginlega hvert klúðrið fylgt í kjölfarið á öðru, en sem betur fer voru þetta allt frekar saklaus mistök. Það fer mest í pirrurnar á mér hvað ég er lengi að öllu af því að ég veit ekki hvar hlutirnir eru geymdir á labbinu, og svo að vera svona háð henni Vanesu, en hún þarf að sýna mér allt sem ég á að gera og standa yfir mér og leiðbeina mér. Í dag er hún búin að vera á endalausum fundum, þannig að ég bíð bara og bíð eftir henni og á eflaust eftir að vinna langt frameftir.

Á móti kemur þó að ég er að gera skemmtilegar tilraunir, þannig að það er ekki eins og ég verði að mixa í PCR eða eitthvað í allt kvöld. Svo skemmir heldur ekki fyrir að það er undirbúningsfundur fyrir Journal Club sumarsins í kvöld klukkan sjö og til þess að lokka fólk á staðinn verður boðið upp á bjór..

Helgin

2002-06-16T17:49:00.000-07:00

Þetta er búið að vera frábær helgi. Í gær fórum við hjónin niður í bæ og versluðum stuttbuxur á Mörð og dót í eldhúsið. Það var spáð rigningu, þrumum og eldingum, en ekkert af þessu lét á sér kræla og við röltum um bæinn í rólegheitum og nutum laugardagsins.

Í dag sváfum við svo fram að hádegi, við vöktum frameftir og horfðum á Svíþjóð - Senegal í beinni, en hann byrjaði ekki fyrr en hálfþrjú. Ég gafst reyndar upp í hálfleik, þrátt fyrir spennandi og skemmtilegan leik, og fór að sofa um hálffjögur, en Mörður horfði áfram. Ég var ekkert smá ánægð með að Senegal hafi unnið, mér fannst miklu skemmtilegara að sjá hvernig þeir spiluðu, það var meiri kraftur í þeim en Svíunum. Það er líka gaman þegar lið eins og Senegal koma svona á óvart.

Þegar við vöknuðum, drifum við okkur svo út og fórum á Summer Stage í Central Park. Það var salsa þema þar í dag hlómsveitin Yerba Buena hitaði upp fyrir enga aðra en salsadrottninguna Celiu Cruz. Þetta var alveg frábært. Veðrið var stórgott þegar við komum á staðinn, en við tókum þó regnhlífina með, því það var spáð skúrum. Við komum okkur fyrir á teppi fyrir framan sviðið klukkutíma fyrir tónleikana og sötruðum bjór í þægilegum skugganum frá trjánum í kring. Þetta er eitt af því sem mér finnst skemmtilegast í útlöndum á sumrin, að verja eftirmiðdegi í almenningsgarði í góða veðrinu og ekki er verra að hafa með sér smá brjór.

Þegar Yerba Buena byrjuðu að spila kom regnhlífin að góðum notum. Það komu skúrir annað slagið, en þær hindruðu engan í að dilla mjöðmunum í takt við seyðandi salsataktinn. Það stytti þó fljótlega upp og sólin vermdi okkur og hlýjaði að nýju.

Celia Cruz er sko sannarlega salsadrottning. Hún er komin yfir sjötugt, en það var sko ekki af sviðsframkomunni að sjá. Hún er sko alger megapæja. Mig langar að vera eins og Celia Cruz þegar ég verð sjötug! Það var mikil stemning á tónleikunum og fólk dansaði og dillaði sér og söng með. Celia talaði eitthvað á milli laga, en það var allt á spænsku, þannig að við skildum þá ekki, það hlógu hins vegar allir, þannig að hún hlýtur að hafa verið fyndin! Fyrir síðasta lagið hennar kom svo einhver kall frá Heineken, sem er sponsor Summer Stage, og veitti henni verðlaun. Hann talaði ensku, en þegar hún tók við verðlaununum, sagði hún einfaldlega: "I'm afraid that my english is not very good looking, so I don't know what to say; Thank you!"

Það byrjaði aftur að rigna rétt fyrir lok tónleikanna og við spenntum upp regnhlífina á ný og vonuðum að þetta yrði bara stutt í þetta skiptið. En nei, það kom þvílík úrhellisdemba að það fólk hljóp frá sviðinu og í skjól undir tré og við bara hnipruðum okkur upp að hvoru öðru, undir regnhlífinni, í hláturskasti, þetta var alveg fáránlega kraftmikil demba og þegar við litum á jörðina sáum við að hún var alsett risastórum höglum. Það runnu á okkur tvær grímur. Haglél var sko ekki það sem við bjuggumst við ofan úr himninum í NY í júní. Það stytti þó upp mjög fljótlega og fólk kærði sig kollótt um að vera rennvott og dansaði og söng áfram við síðustu lög tónleikanna.

Við vorum því vot en ánægð þegar við gengum heim á leið eftir skemmtilegan dag í Central park.

2002-06-15T17:13:00.000-07:00

Eru það tíðindi að Strokkur hafi gosið fyrir Zemin? Bjuggust blaðamenn Moggans kannski við því að hann mótmælti eins og flestir aðrir Íslendingar?

Football, (Soccer)

2002-06-14T16:43:00.000-07:00

Já, ætli ég verði ekki bara að horfast í augu við það, lífið snýst um fótbolta þessa dagana.... Meira að segja í Ameríku.

Það var ekkert smá gaman að sjá Suigi í morgun. Hann sveif um labbið. Hann er nefnilega frá Suður Kóreu.

Í matartímanum er ekki talað um neitt annað en fótbolta heldur. Sumir Kananna eru að dissa hann, finnst fáránlegt að það sé hægt að hafa jafntefli í leik (það er alltaf framlengt í amerískum boltaíþróttum), og þeim finnst fáránlegt að það sé kannski bara skorað eitt mark á 90 mínútum, finnst þetta eitthvað óspennandi. Við útlendingarnir stríðum þeim á móti og segjum þeim bara að þeir geti aldrei skilið fótbolta, því þá vanti þann hæfileika að halda athyglinni lengur en sem nemur þeim tíma sem er á milli auglýsingahléa í körfubolta og amerískum fótbolta. Og svo dissum við þá og segjum að soccer sé sko alvöru fótbolti, en amerískur fótbolti sé svo langt frá því að vera spilaður með fótunum.

Í hádeginu í dag datt einum þeirra í hug að aula því út úr sér að fótbolti væri náttúrulega ekki það alþjóðleg íþrótt, og þess vegna væri ekki hægt að ætlast til þess að Kanar væru með hann á hreinu. Svo tók hann tennis sem dæmi um miklu alþjóðlegri íþrótt en fótbolta. Guði sé lof að hin skapmikla argentínska Vanesa var ekki á svæðinu, þá væri hann sennilega ekki lengur á lífi.

Það sem mér finnst gaman við þessa umræðu er það að það leyfir manni að gera pínu grín að Bandaríkjamönnum án þess að þeir móðgist.

Hins vegar eru Kanar að taka við sér núna þegar þeir föttuðu að þeir komust áfram í HM. Þeim finnst það samt mjög skrýtið, því þeir töpuðu jú síðasta leiknum sínum!

Alþjóðavæðing?

2002-06-13T14:09:00.000-07:00

Á dæmigerðri rannsóknarstofu í sameindalíffræði vinnur fólk af ýmisskonar uppruna. Í sama herbergi og ég er kona frá Kóreu og maður frá Japan. Þau voru eitthvað að grínast með HM í fótbolta um daginn og voru bæði alveg sammála um það að það skipti nú þjóðarsálina í Japan og Kóreu litlu máli hversu langt lið þeirra næðu í HM, þeim fannst þetta bara pínu skondin keppni.

Ella er pólverji sem er "technician" á labbinu, en það orð er venjulega notað yfir fólk með B.S. gráðu sem vinnur á svona rannsóknarstofu. Sumir "tæknimannanna" eru með lítil rannsóknarverkefni, en það er algengast að "tekkinn" sjái líka um að búa til alskonar sameiginlegar lausnir sem við deilum svo öll á labbinu.

Eitt af því sem mér finnst taka tíma við að aðlagast á nýrri rannsóknarstofu er að læra á hreim allra á labbinu þannig að ég skilji hvað þau eru að segja. Ég skildi til dæmis ekki helminginn af því sem Vanesa sagði við mig í byrjun og var endalaust að geta í eyðurnar, hún er með svo sterkan spænskan hreim.
Pólski hreimurinn hennar Ellu finnst mér hins vegar bara pínu heimilislegur. Hún minnir mig pínulítið á hana Irenu sem ég leigði hjá út í Köben. Þær eiga það báðar sammerkt að vera pólskar og skapstórar.

Jagermeister

2002-06-13T11:24:00.000-07:00

Ég fór og hitti stelpurnar á kaffihúsi í gær. Ég hef ekkert hitt Vasoo síðan í apríl, en hún fór heim til Indlands í mánuð í maí.
Hún er svo skemmtilega saklaus miðað við aðrar vinkonur mínar. Hún hafði aldrei smakkað áfengi áður en hún kom til NY, og sötraði stundum rauðvín í haust. Um áramótinn heimtaði vinur Prashants, mannsins hennar að hún smakkaði Jagermeister, og sagði henni að þetta væri skot þannig að hún yrði að demba þessu í sig. Ekki fannst henni Jagermeisterinn góður, en þegar Prashant fattaði að hún hefði smakkað þetta, víldi hann endilega að hún fengi sér líka eitt staup með honum. Hún var eiginlega skömmustuleg yfir allri þessari drykkju hjá sér og sagði að hún hefði meira að segja fundið slatta á sér.

Við Noelia vorum fljótar að sannfæra hana um að þetta væri nú ekkert til að skammast sín fyrir!

Fráááaábæææært!

2002-06-12T19:49:00.000-07:00

Blogger Pro1 er farinn að virka aftur, þannig að núna get ég notað hann án þess að fara í gegnum alskonar krúsídúllur áður.

Þegar ég skrifaði síðustu færslu, þá byrjaði ég á því að skrifa hana inn í Lyklaborðssíuna hans Sindra, til þess að fá íslensku stafina fram. Svo tók ég textann og peistaði honum inn í Netþýðandann hans Kristjáns og lét hann þýða færsluna yfir í Unicode. Að lokum afritaði ég þá útgáfu af textanum og setti inn í Blogger interfeisið og ýtti á publish...

Ég er svo þakklát fyrir að það skuli vera fólk eins og Kristján og Sindri sem gera svona script fyrir okkur hin til þess að létta líf okkar.

Hvílík snilld!

Meira ljúft..

2002-06-12T09:30:00.000-07:00

Vííí.... Það er svo gaman að vera til þessa dagana!

Ég er að fara að gera ótrúlega spennandi tilraunir með Vanesu næstu daga, og svo er ég að lesa á fullu til þess að gera mér grein fyrir hvaða verkefni ég vil vinna á labbinu.

Veðrið er líka svo gott, og það er bara allt svo ljúft. Ég er að fara að hitta Vasoo og Noeliu á The Hungaria Coffee Shop í kvöld, annað kvöld er bjórkvöld á Telephone Bar og svo ætlum við Mörður að gera eitthvað næs um helgina.

Mér líður bara mjög vel að vera komin aftur til NY. Ég sakna auðvitað fjölskyldunnar og vinanna heima, en málið er að ég fann þessa tilfinningu þegar ég kom heim núna alveg eins og eftir jólin; Það sem ég er að fást við þessa dagana er hér og Mörður er hér, og þess vegna líður mér vel hérna.

Easy...

2002-06-11T14:46:00.000-07:00

Já, það er ekki fyrir stressinu að fara hjá mér þessa fyrstu daga á labbinu hjá henni Carol Prives.

Ég fór í gymmið í morgun, en það var heldur endasleppt, því ég vildi vera komin klukkan ellefu þegar Vanesa mætti. Hún lét þó ekki á sér kræla fyrr en klukkan eitt, og ég skemmti mér bara við að lesa þessa vísindagrein á meðan.
Í hádeginu fór ég svo og fékk mér sússírúllur, og sat á tröppunum fyrir framan Low Library og lét sólina baka mig á meðan ég æfði prjónfimina. Eftir hádegið las ég svo meira af greinum og svo klukkan fjögur sýndi Vanesa mér hvernig ætti að splitta frumum í nýjar skálar, en ég kunni það fyrir, svo að ekki lærði ég mörg handbrögðin í dag.
Ég trítlaði þvínæst heim, passaði mig að vera nógu lengi, til þess að njóta góðviðrisins, og nú er ég að fara að lesa meira, alveg þangað til Mörður kemur heim.

Summertime.. and living is..

2002-06-11T06:13:00.000-07:00

Ég er að fíla veðrið hér í strimla þessa dagana. Að geta verið berfætt í sandölum og setið úti á tröppum í hádeginu og látið sólina baka mig. Klukkan er bara níu, en samt er hitinn strax orðinn 21°C.....næs...

Það gekk vel á labbinu í gær, þ.e. ég gerði ekki neitt, en fékk úthlutað skrifborði og talaði við Vanesu, sem ég verð að vinna með næstu vikurnar. Hún á að kenna mér allskonar skemmtilega hluti. Eini gallinn er að ég verð mjög háð henni fyrstu vikurnar, og hún mætir aldrei fyrr en klukkan ellefu í vinnuna, en vinnur svo frameftir. Mér finnst hins vegar best að byrja snemma að vinna. Í staðinn þá get ég verið ótrúlega dugleg í gymminu á morgnana! Fátt er svo með öllu illt að ekki boði nokkuð vont.. eh...

Blogger

2002-06-10T16:53:00.000-07:00

Ég var að fá tölvupóst frá einhverjum gaur á Blogger.
Hann var að svara pósti sem ég skrifaði honum fyrir viku síðan, þegar þeir voru að svissa yfir í pro2. Hann var að spurja mig nánar út í vandamálið sem ég átti við að stríða þá.
Málið er að það loga allar umræðusíðurnar þeirra í pirringi yfir því að það vanti alla stafi sem ekki eru í enska stafrófinu, og að enginn þeirra svari og láti vita hvað sé í gangi.
Vandamálið sem ég átti við að stríða fyrir viku síðan er búið að umbyltast nokkrum sinnum, þannig að það sem hann ætlaði að laga var ekki lengur að, en allt önnur vandamál komin upp.

Ég svaraði honum og benti honum á að það logaði allt í óánægju, að þetta bara gengi ekki, eins góður og Netþýðandinn hans Kristjáns væri, þá væri ekki ásættanlegt að þurfa alltaf að setja færslurnar í gegnum það script áður en ég peistaði þeim inn í Blogger. Ég sagði honum að ég væri alveg að gefast upp og ætlaði að hætta að nota Blogger.

Hann svaraði mér því 5 mínútum seinna og baðst afsökunar og að hann væri bara búinn að vinna hjá Blogger í þrjá daga, því einhver annar gaur stakk af...

Vinna

2002-06-10T06:03:00.000-07:00

Jæja, þá er komið að fyrsta vinnudeginum eftir alveg hreint ágætis frí.

Þessi vika á eftir að verða skemmtileg, en mjög krefjandi, þar sem ég er að byrja á alveg nýju verkefni, og að vinna vinnu sem mjög langt er síðan ég fékkst við síðast.

Blogger er ekkert að bæta sitt ráð, og ég er að nota Netþýðandann hans Kristjáns til þess að skrifa þessa færslu. Mér finnst alveg frábært hvað íslenskir bloggarar eru duglegir að redda sér! Netþýðandinn er alveg himnasending fyrir mig, því nú þarf ég ekki lengur að skrifa á íslénsku á síðuna!

Magg?????

2002-06-09T17:09:00.000-07:00

Fyrir nokkrum arum sidan fór hluti af vinum mínum að kalla mig Ernu Magg. Thetta fannst mer alveg hrædilegt i fyrstu, en svo einhvern veginn saettist eg vid thad, og nu er thetta jafnvel hotmail-adressan min. En ekki alveg. Einhvern veginn fae eg alltaf hroll thegar thetta nafn er notad um mig. Bara svona eins og Berglind vinkona vill ekki lata kalla sig Beggu. En kannski er thad of seint, fyrst eg var of mikill bjani til að segja ekkert alveg strax.

En málid er að eg er Erna. Ju, og svo audvitad Erna Magnusdottir. Ekki Erna Magg....

Myndir

2002-06-09T13:50:00.000-07:00

Eg var ad fa myndir ur framkollun. Finar myndir! Til thess ad skoda thaer sem eg setti a netið, getid thid smellt a linkinn "Myndirnar Okkar" her til haegri og kikt inn i myndaalbumin. Eg baetti nokkrum myndum aftast i "Palisades" albumid og svo i "Vid heima hja okkur" albumid og gerdi nytt album, med studentsmyndum af mommu, inni a "Mamma student" og svo nytt album med orfaum myndum ur gongunni okkar Herdisar.

Her fylgja synishorn, en athugid ad myndirnar ad nedan eru ekki vistadar i albuminu okkar a Bravenet, thannig ad til ad sja allar myndirnar verdur ad smella a adurnefndan link her til haegri.

2002-06-08T20:32:00.000-07:00

Nu er eg alveg ad gefast upp a Blogger. Thad er ad koma timi til ad skipta um kerfi og fara ad hysa thetta sjalf.

Dettifoss

2002-06-08T19:20:00.000-07:00

Vá, ég var allt í einu að reka augun í wallpaperinn, sem ég setti upp rétt áður en ég fór í fríið til Íslands. Það er mynd af Dettifossi tekin úr flugvél, en á myndinni sést langt til suðurs. Meðal annars sést tjaldstæðið okkar við Selfoss greinilega og úðinn af Selfossi. Það er gaman að sjá myndina svona aftur og kannast við svæðið frá því að við vorum þarna í síðustu viku, í staðinn fyrir að sjá bara urð og grjót.

Leti

2002-06-08T16:57:00.000-07:00

Þetta er búið að vera sannkallaður letidagur. Ég sofnaði aftur eftir síðasta blogg, og svaf til hádegis, og sofnaði svo aftur í klukkutíma seinnipartinn....

Við Mörður skruppum niður í bæ í blíðunni, að leita að veiðihúfu handa pabba hans, en ekki fannst hún. Við komum svo heim um sexleytið og elduðum pastarétt, en þetta var í fyrsta skipti sem eldhúsáhöld voru brúkuð á heimilinu í 12 daga.

Í kvöld þarf ég svo að fylla út umsókn um framlengingu á dvalarleyfinu mínu, og svo þarf ég að læra allt sem ég get um p21 áður en ég fer að vinna á mánudaginn. Mörður er hins vegar svo heppinn að eiga frí allar helgar, þannig að hann ætlar að skella sér í box-partý til Péturs og Eyrúnar í kvöld.

Heimóttargangur

2002-06-08T04:55:00.000-07:00

Komin að heiman, heim! Eða réttara sagt, ég er komin heiman frá Íslandi (sem jú, er og verður alltaf heim), heim til Marðar, sem nú liggur auðvitað steinsofandi eftir að hafa vakað eftir mér og sótt mig í gær, á meðan ég steinsvaf alla leiðina í lestinni frá Boston.

Það er bara alveg ágætt að vera komin heim aftur, og verður náttúrulega miklu skemmtilegara þegar Mörður vaknar.

Buxur, vesti, brók....

2002-06-07T03:27:00.000-07:00

Hvurnin er hægt að tína af sér heilum buxum?!!! Nei, ég bara svona spyr. Sko, hérna.. ef einhver sér svörtu (gömlu, slitnu) Tark buxurnar mínar á vappi, þá má sá hinn sami vísa þeim leiðina upp í Trönuhóla 14 (eða út á Leifsstöð), þær eru nefnilega örugglega villtar.

Finale....

2002-06-06T20:11:00.000-07:00

Kvabbið í LÍN skilaði árangri í gær, því í dag fékk ég greitt inn á reikninginn minn það sem vantaði upp á lánið fyrir haustmisserið... Ekki svo slæmt!

Ágætis dagur annars, alltaf smá trist að kveðja fólk, sérstaklega eftir svona stutt stopp. Ég hitti fjölskylduna hans Marðar til dæmis bara í tvo tíma í dag, þannig að þetta var svona hæ-bæ, allt í einum pakka.

Ég var stoppuð af löggunni á leiðinni af barnum heim áðan. Ég var búin að fá mér eitt hvítvínsglas, og var þar að auki frekar illa fyrir kölluð, þannig að ég var skíthrædd um að þeir myndu láta mig blása, en þá voru þeir bara svona að spjalla, skömmuðu mig fyrir að vera ekki með ökuskírteini á mér. Ég náttúrulega brosti bara breitt og sagði þeim að ég hefði gleymt því í útlöndum, og þá slepptu þeir mér!

Lín - Grín?

2002-06-05T05:51:00.000-07:00

Ég fór niður í LÍN í morgun.... Ég átti pantaðan viðtalstíma klukkan hálftólf, en þegar ég mætti á svæðið var ég spurð hvort ég gæti komið eftir hálftíma, því að lánasjóðsfulltrúinn hefði skroppið í mat! Þetta eru dæmigerð vinnubrögð fyrir þessa stofnun. Ég brást þó vel við og skellti mér á kaffitár og fékk mér kaffibolla og gróft rúnstykki. -Hvílíkur lúxus eftir allt beygluát og Starbucsþamb vetrarins.

Petrína lánasjóðsfulltrúi vildi hins vegar allt fyrir mig gera, þannig að nú þarf ég bara að skila inn einkunnum þegar þær láta sjá sig, og þá er málið í höfn. Það má því segja að ég sé í fríi núna, ekki margir leiðindahlutir að vasast í meira...

Sjokk...

2002-06-04T07:37:00.000-07:00

Þegar ég kom heim frá mömmu í gær, beið mín tölvupóstur frá stofnuninni sem sér um dvalarleyfir og þess háttar fyrir mig í BNA. Mér til mikillar ánægju var þetta hálfgert hótunarbréf um það að ég væri ekki búin að endurnýja pappírana mína og væri því komin á 30 daga séns á að koma mér úr landi.

Ég fékk vægt sjokk, því ef maður er kominn á þennan 30 daga sjéns, kemst maður ekki inn í Bandaríkin aftur nema á túristavísa... Ég sá náttúrulega strax fyrir mér að ég yrði send strax heim með sömu vél á föstudaginn, og fengi aldrei að koma til Bandaríkjanna aftur.

Sem betur fer náði ég í hana Jen Wilson, kontaktmanneskju mína úti, og hún róaði mig alveg og sagði að þetta væri bara svona bréf sem hefði verið sent á alla, og ég kæmist alveg inn í landið, en þyrfti að passa að sækja um endurnýjun á dvalarleyfinu strax í næstu viku....

Fjúkk maður... ... en til hvers að vera að senda svona póst á mann og hræða mann, ef þetta er ekkert rétt sem stendur þar?

Ekki tók betra við þegar ég skrapp niður í LÍN að athuga með mín mál þar, því að þar er náttúrulega hver hendin upp á móti annari, og upplýsingar sem ég fékk í apríl þegar ég hringdi að utan eru kolrangar... Skemmtilegt! En kemur ekki á óvart miðað við fyrri viðskipti mín við þessa stofnun.

ps. Ég er engin smá skutla núna, ég fór nefnilega í klippingu í morgun hjá honum Bödda (or whatever his name is) á Space...

Eins og maður sé í einhverju fríi....

2002-06-03T09:55:00.000-07:00

Hahaha... það er svona að fara í frí til Íslands, maður þarf alltaf að afgreiða praktíska pakkann í leiðinni. Ég fór nefnilega tvisvar til tannlæknis í dag, hvorki meira né minna. Það var nú samt ekkert alvarlegt sem var að mér, en ekki gaman samt að láta bora í sig.

Það er samt alger lúxus að sofa svona fram að hádegi og bara slæpast eins og ég gerði í gær.

Kisa

2002-06-03T05:11:00.000-07:00

Ég var með kött nágrannanna í heimsókn um helgina. Miss Maddie heitir hún og er latur köttur. Hún fann sér tvo góða staði í íbúðinni og lá þar alla helgina. Uppi á hillu og í efstu hillunni í fatagrindinni inni í skáp (það er ekki hægt að loka skáphurðinni, þannig að aðgengið er gott). Með reglulegur millibili kom hún síðan fram á gólf, mjálmaði (bað) um klapp og fékk það í flestum tilfellum.

Á sunnudaginn þegar ég vaknaði lá svo dauður kakkalakki á gólfinu. Hef ég Maddie grunaða um að hafa átt annasama nótt við að aflífa hann. Ég gaf henni extra mikinn morgunmat fyrir vikið. Ekki slæmt að hafa kött til að slátra þessum óþolandi kvikindum. Svo var líka fínnt að hafa einhvern félagsskap fyrst Erna er ekki heima. Miss Maddie your always welcome, mjámjá.

Ganga...

2002-06-03T04:52:00.000-07:00

Þá er ég komin í bæinn aftur eftir ævintýri undanfarinnar viku með henni Herdísi, norður í landi. Við lögðum af stað hressar í bragði síðasta mánudag inn í Ásbyrgi, þar sem við skildum bílinn eftir, húkkuðum okkur far inn að Kröfluvirkjun, (við vorum ekki komnar alla leið þangað fyrr en á hádegi á þriðjudag)... Síðan gengum við sem leið lá inn að Eilífsvötnum, að Dettifossi, norður í Vesturdal og loks inn í Ásbyrgi. Þetta var fjögurra daga ganga. Á leiðinni þurftum við að vaða fimm kaldar ár, en það var ekki mikill snjór á svæðinu og því gekk gangan frekar vel. Landslagið á svæðinu er með eindæmum dramatískt, og ég hlakka svo til að fá myndirnar úr göngunni!!!

Á göngunni flugu líka ótal súrir brandarar, og vandamál heimsins leyst og krufin í nokkrum umferðum. Og ekki skemmdi veðrið fyrir. Það rigndi bara á nóttunni, vindurinn lét lítið á sér kræla og meira að segja sólin lét svo lágt að kíkja fram úr skýjunum nokkrum sinnum.

Mér hefur heldur sjaldan fundist eins gott að komast í sund, eins og tíu mínúturnar sem við náðum í sundlauginni á Húsavík áður en kallað var upp úr. Við sváfum síðan eins og tvær steinrunnar tröllskessur um nóttina, en henni vörðum við á Staðarhóli.

Nú ligg ég í leti, í sannkölluðu fríi, heima hjá pabba, og nenni ekki einu sinni að þvo af mér súru fötin úr ferðinni, hvað þá að þvo bílinn eða klæða mig í föt.....

-Erna

Klipping og tips

2002-06-01T13:21:00.000-07:00

Ég fór í klippingu í dag. Það var svo sem ekkert merkilegt við það nema þegar konan var búin og ég var að borga fyrir klippinguna þá rétti hún mér nafnspjaldið sitt og sagði mér í laumi að hún rukki venjulega 25 dollara. Þá hefur hún eflaust átt við að hún fái borgað sjálf 25 dollara fyrir utan það sem ég borga á kassanum. Þegar ég svo lét hana hafa 10 dollara í tips, setti hún bara upp fílusvip. Gott á hana. Það gengur ekki að láta mann vita eftirá að maður eigi að borga eitthvað ákveðið tips.

Í þessum rituðum orðum sé ég að það er einhver svört drulla á skyrtunni minni. Það kæmi mér ekki á óvart að klippikonan sé nú að drekka út tipsið mitt og gera grín að svörtu drullunni sem hún klístraði á skyrtuna mína fyrir þetta smánarlega tips.

Næst klippi ég mig sjálfur. Og borga mér rausnarlegt tips.

Kapall

2002-05-30T18:04:00.000-07:00

Ég pantaði kapal í dag hjá Time Warner Cable. Þá get ég horft á alla HM leikinal, auðvitað með góðri hjálp frá videtækinu þeirra Josh og Melssu. Mér finnst það vera svolítið svindl hér að maður þarf að borga sérstaklega fyrir kapalboxið en afruglarinn er frítt með hjá Stöð 2. Meira að segja þarf ég að borga tuttugu sent á mánuði fyrir fjarstýringuna. Ætli þeir komi heim til mín og taki batteríin úr henni ef ég borga ekki?

Hörku loftkæling

2002-05-30T17:55:00.000-07:00

Er að prufa nýju loftkælinguna. Það er afar þæginleg tilfinning að finna kalda loftið streyma um alla íbúðina. Frekar Kúl.

Skíta dagur

2002-05-29T21:12:00.000-07:00

Dagurinn í dag er búinn að vera sá versti sem ég man eftir í langan tíma. Vinnan var tómt rugl frá upphafi til enda. Í lestinni á leiðinni heim gat ég ekkert lesið þar sem ég var sífellt með hugann við allt bullið í vinnunni, sem er hið versta mál því ég er að lesa einstaklega góða bók. Nema hvað svo þegar ég loksins kom heim þá spilaði ég squast við Josh, Dan og Matthew sem var bara helvíti fínnt nema ég tapaði öllum leikjunum nema einum.

Eftir squashið fór ég upp til Josh til að fá lánað hjá honum videotækið hans. Hann var nefnilega svo góður að bjóðast til að lána mér tækið sitt svo ég geti tekið upp alla HM leikina, þeir eru á nóttinni hér. Þá hófust vandræði. Josh á Tivo sem er svaka græja, miklu betri og flottari en video og þegar við vorum að losa kapalinn úr Tivoinu kom í ljós að hann hafði forskúfast og við áttuðum okkur á því of seint og rústuðum tækinu. Tivoið virkar ekki lengur. Og mér finnst eins og það sé mér að kenna. Djöfull.

En ég er alla vega kominn með videotæki og Josh á ekki lengur flottari græjur en ég. hehe

Skemmtilegar heimasíður

2002-05-26T20:16:00.000-07:00

Stundum þegar maður er að þvælast á netinu lendir maður inn á afar skemmtilegum og vel hönnuðum síðum.

Ísland

2002-05-26T14:39:00.000-07:00

Ég lenti í Keflavík rétt rúmlega sex í morgun. Ég svaf náttúrulega ekki neitt í vélinni, en það hvarf úr mér öll syfja við komuna til landsins. Veðrið var svo fallegt í morgun, bjart yfir og kyrrt. Ég fylltist þessari dæmigerðu orku sem kemur yfir mann á vorin á Íslandi. Það var frábær tilfinning.

Ég spjallaði við pabba og Björgu í morgun, skellti mér svo bara í heita pottinn og í sólbað, sem gerði mig svo syfjaða að ég lagði mig í tvo tíma. Pabbi vakti mig svo upp úr tólf og ég dreif mig á lappir og fór svo í heimsókn til mömmu seinnipartinn. Hún tók að ofan fyrir mér með stúdentshúfunni, og við spjölluðum allan seinnipartinn.

Ég horfði líka á stuttmyndina sem Guðný systir og vinkonur hennar gerðu í vetur og sendu í stuttmyndasamkeppni á vegum grunnskólanna. Myndin var meinfyndin, enda unnu þær fyrstu verðlaun. Algerar pæjur. Nú er ég hins vegar alveg að lognast út af, en ég held ég verði nú að fara að pakka oní bakpokann fyrir gönguna.....

Boston

2002-05-25T15:32:00.000-07:00

Jæja, þá er ég komin á flugvöllinn í Boston eftir tíðindalausa lestarferð.

Það eru þrír tímar þar til vélin fer, þannig að ég get fengið mér sæti og lesið eða dundað mér eitthvað annað...

Það stóð nefnilega á miðanum mínum að ég ætti að tékka mig in þremur tímum fyrir brottför, en svo er bara ekkert að gera hérna. Annað en stressið á JFK. Ég þurfti ekki einu sinni að fara úr skónum í öryggistékkinu.. þvílíkt kæruleysi!!!

Ég stefni á að sofa í flugvélinni, þannig að ég þurfi ekki að leggja mig mikið á morgun og geti snúið sólarhringnum strax við fyrir gönguferðina. Við Herdís ætlum að leggja af stað strax á mánudasmorgun, og það er betra að vera útsofin fyrir langan akstur.

Iceland, here I come!

2002-05-24T20:40:00.000-07:00

Ég er orðin svo mikil A-manneskja að ég er orðin hrædd. Ekki nóg með það að ég sé búin að venja mig á að fara að æfa á morgnana, heldur var fyrsti frídagurinn minn í dag og ég fór á fætur fyrir klukkan átta. Er ég orðin svona gömul?

Þetta var reyndar ágætt, því ég þvoði trukkahlass af þvotti og pakkaði í töskur og náði líka að fara út að hlaupa í góða veðrinu. Það var þrjátíu stiga hiti hjá okkur í dag. Mér finnst það alveg passlegur hiti. Þegar það er orðið heitara en þrjátíu stig fer mér að verða of heitt. Það er líka vonlaust að fara út að hlaupa ef það eru þrjátíu og fimm gráður eða eitthvað. Ég var reyndar svo heppin að það þykknaði aðeins upp rétt fyrir skokkið í dag, þannig að það var alveg passlegur skokkhiti. Reyndar notaði ég drykkjarkrana Miðgarðsins meira en ég hef gert áður.

Við Mörður fórum svo á barinn eftir kvöldmat og sötruðum nokkra öllara. Ég fékk alveg fiðring í magann á barnum þegar Led Zeppelin voru settir á fóninn.. "Come to the land of the ice and snow, with the midnight sun, where the hotsprings flow"...

Iceland, here I come!

Sússí

2002-05-24T10:28:00.000-07:00

Við fórum á Tomo í gær, og ég verð bara að segja það, mér finnst sússí vera algert æði! Það bráðnar alveg upp í manni, og svo er piparrótarbragðið svona skemmtilegur kontrast. Jummí! Og ég var svo hrædd um að þetta væri allt saman svo kyrfilega innpakkað í þang og þara að maður sæi ekkert í fiskinn. En það voru sko engir hringormar í fiskinum, þannig að ég þorði alveg að prófa. Mörður var ekki eins hrifinn þó. Nú get ég farið að borða sússí í hádeginu, því að það er hægt að kaupa sússíbakka út um allt í kringum skólann.

Ég var líka ekkert smá mikil pæja, gat borðað þetta allt með prjónum, en þetta er bara tilraun mín númer tvö að borða með prjónum. Mörður var of svangur til þess að stunda prjónaæfingar og notaði til skiptis gaffal og guðsgafflana.

Eftir matinn fórum við svo á barinn, en það var einmitt búið að opna upp á þak á The Heights, þannig að við sátum og sötruðum bjór undir beru lofti. Sannkallað rjómókvöld!

Ljúfa, ljúfa, líf

2002-05-23T16:17:00.000-07:00

Það er búið að vera svo meiriháttar veður hér í dag að það er engu lagi líkt. Akkúrat þegar ég er komin í frí!

Ég skrapp og talaði við Carol Prives sem ég verð að vinna hjá í sumar. Mér finnst hún alveg frábær. Hún er svo mikil mamma í sér. Gaf mér góð ráð í sambandi við kúrsa og kennslu og sýndi mér myndabók um Ísland sem hún Inga Reynis gaf henni. Hún er reyndar nýkomin af hinum árlega p53 fundi í Barcelona. En p53 er prótínið sem labbið fæst við að rannsaka. Það er sumsagt svaka ráðstefna á hverju ári, bara um þetta prótín! Hún var alveg hreint geislandi af eftirvæntingu, því hún hafði fengið svo margar hugmyndir á þessum fundi.

Ég gekk svo aðeins um kampusinn, en fór svo heim og lagði mig, því ég svaf illa í nótt. Ég stökk tvisvar fram úr rúminu um miðja nótt af því að ég hélt að ég hefði sofið yfir mig. Svo núna var ég að koma úr mínum rútínu skokktúr í Miðgarðinum.

Og þá er það bara að mana sig upp í það andlega að smakka sússí.

Ljúfa líf

2002-05-23T09:02:00.000-07:00

Jæja, nú er ég formlega búin med rótasjónina á labbinu hjá Kathryn Calame. Ég eisadi labbfundinn í morgun, eda ad minnsta kosti gekk mikid betur en ég thordi ad vona.

Kathryn baud mér líka ad koma aftur í haust ef mig langadi, og gera doktorsverkefnid hjá henni. Ég ætla ad sja til. Hún getur nefnilega verid pínu tæfa, tho hún sé gódur vísindamadur.

Núna er ég bara ad fara ad hitta Noeliu vinkonu i hádegismat, og svo ætla ég út ad hlaupa ad prófa nyju hlaupaskóna sem ég keypti nidri í bæ í gær.

Í kvöld ætlum vid Mördur ad vera virkilega "adventurous" og prófa sushi í fyrsta skipti, á stad rétt hjá heima sem heitir Tomo. Svona smá rjómó kvöld ádur en ég fer heim.

Vonbrigði

2002-05-23T05:07:00.000-07:00

Bjarni og Ágúst benda á að Tíkarstelpurnar eru alltsaman súsarar.... =( Ég er alveg sammála Bjarna um það sem hann hefur um það að segja. Ég sem hélt að þetta væru svona sjálfstæðar ungar konur sem hefðu tekið sig saman um að skrifa sínar skoðanir á ýmsum málefnum, en þá er eitthvað flokkadæmi á bakvið þetta.

2002-05-22T15:53:00.000-07:00

Tómas bendir á Tíkina. Kúl síða finnst mér! Meira svona. Ég held að þetta sé eitthvað sem alvöru konur vilja lesa, ekki láta heilaþvo sig á einhverju femin.is (sem ég kæri mig ekki um að linka á það er svo mikið kjaftæði!) Ég verð svo geðbiluð á að lesa frjálshyggjusíðuna og eitthvað annað hart einhliða kjaftæði, og held að síðan hjá stelpunum sé kærkomið heilavítamín. Annars er eitt sem ég velti fyrir mér. Af hverju eru allir þessir "hugsjónavefir" nær alltaf annað hvort skrifaðir af körlum eins og frjálshyggjan, eða konum eins og Bríet? Er ekki pláss fyrir bæði kynin á svona síðu? Eru skoðanir og lífsviðhorf karla og kvenna svo ólík að þau rúmist ekki á sama miðlinum?

2002-05-22T11:34:00.000-07:00

Ég nenni ekki að gera fyrirlestur, ég er farin út í góða veðrið....

Útskrift í blíðunni

2002-05-22T11:15:00.000-07:00

Það er yndislegur sumardagur hér í Morningside Heights í dag. Það er búin að vera útskrift í nokkra daga í Columbia, og það hefur ekki farið framhjá nokkrum manni. Það labbar fólk um göturnar í ljósbláum Harrý Potter skikkjum, með ljósblátt spjald á hausnum. Í dag var svo aðalathöfnin, akkúrat þegar ég fór út í skóla til þess að prenta út nokkrar glærur. Ég þurfti að fara krókaleiðir til þess að komast inn á þann hluta kampusins sem líffræðibyggingin er og sá á leiðinni að skólagarðurinn var stappfullur af fólki. Í tröppunum fyrir neðan Low Library sat fólkið með hattana í Harrý Potter-kuflunum, og á grasflötinni fyrir neðan voru áhorfendurnir. Ég sá einmitt lok athafnarinnar og hún var mjög virðuleg, spiluð lúðrasveitatónlist og allt. Ekki skemmdi góða veðrið heldur fyrir. Þegar ég fór svo til baka heim, var athöfnin um garð gengin og skólalóðin var stappfull af klappstólum. Ég hef aldrei áður séð svona marga klappstóla í einu. Ég rétt gat þrætt krákustíg í gegnum ósköpin til þess að komast út úr garðinum.

Ég hlakka ekkert smá þangað til ég fæ svona galdrakufl til að klæðast, en ég held að ég fái svarta húfu. Ég þarf samt víst að láta mig dreyma í um það bil fimm ár þar til af því verður!

Krónuflón

2002-05-22T07:13:00.000-07:00

Já, mér datt það í hug, krónan hefur ekkert annað gert en veikst frá því að menn fóru að tala um vaxtalækkanir. Það er líka kannski allt í lagi, því að Íslendingar þurfa sennilega meira á því að halda að vextirnir lækki en að krónan styrkist. Svo eru líka fyrirtæki í útflutningi, eins og tildæmis þau sem flytja út allan fiskinn okkar, sem hentar bara ágætlega að hafa krónuna ekkert of sterka. Var það ekki meiningin með öllum gengisfellingunum hér í de gamle dage?

2002-05-21T18:06:00.000-07:00

Ég er ekkert smá fegin að vera búin að fara upp í Frelsisstyttuna, fyrst að það á að fara að sprengja hana í loft upp!

Svartur Íkorni

2002-05-21T16:20:00.000-07:00

Ætli það hafi eitthvað forspárgildi að það hljóp svartur íkorni í veg fyrir mig á sama staðnum bæði í gær og í dag á skokkhringnum mínum í Central Park?

Mannanöfn

2002-05-21T06:59:00.000-07:00

Mér finnst mannanafnanefnd taka ansi stórt upp í sig. Mér finnst þetta ekki neitt annað en skerðing á tjáningarfrelsi. Mér finnst eitt að mega ekki nefna barnið sitt Satan, og annað að mega ekki nefna litla drenginn sinn Kai. Kannsk á hann bara danskan afa sem heitir Kai! Er nafnið Bendt til dæmis ekki komið inn í málið á þennan hátt, og beygist nú bara án endinga nema í eignarfalli? Hemm.. mér finnst Bendt fínt nafn, en Kai er líka fínt nafn. Mér finnst Íslendingar vera að nota röng meðul til þess að vernda tunguna. Við verðum líka að sætta okkur við að heimurinn er orðinn svo lítill. Áhrifin frá útlöndum eru orðin svo sterk, og það að banna fólki að nefna börnin sin ákveðnum nöfnum held ég að eigi ekki eftir að breyta neinu um erlend áhrif. Það eina sem það gerir er að fólk verður neikvæðara gagnvart tungumálinu okkar sem sníður okkur svo þröngan stakk. Við erum nefnilega ekki bara Íslendingar, heldur líka hluti af mikið stærra menningarsvæði, og það er varla hægt að banna okkur að verða fyrir áhrifum þar frá.

RSS

2002-05-20T19:56:00.000-07:00

Jæja, loksins dreif ég í því og setti RSS glugga inn á bloggið okkar. Þetta eru allt blogg sem ég les nánast daglega, það er, ég les þau þegar þau eru uppfærð. Jáá.. það er ýmislegt hægt að gera sér til dundurs á labbinu þegar maður er að bíða eftir PCRi! Þau blogg sem ég setti þarna inn eiga það líka nær öll sameiginlegt að ég byrjaði að lesa þau svona um það bil þegar ég byrjaði að blogga sjálf, og reyndar fleiri, en þetta eru þau sem ég hef haldið tryggð við.

Uppáhalds bloggið mitt er án nokkurs vafa Dagbók Kristjáns og Stellu. Ég skammast mín líka pínu fyrir það hversu löt ég er við það að linka á öll þessi blogg sem ég er alltaf að lesa, því oft er fólk að skrifa skemmtilega og áhugaverða hluti. Kannski er það vegna þess að bloggið okkar Marðar er einskonar "útlegðarblogg". Það var stofnað til þess að vinir og ættingjar heima á Fróni fengju innsýn í daglegt líf okkar hérna í New York, og þess vegna hef ég ekki mikið verið að setja pælingar inn, eða linkað á þá sem mér finnst vera að segja eitthvað sniðugt. Ég skal lofa að reyna að bæta mig í framtíðinni, því mér finnst þetta einn skemmtilegasti eiginleiki bloggfyrirbærisins. Það myndast oft einskonar samræður milli blogga og mér finnst bráðfyndið þegar fólk byrjar að rífast milli blogga!

Ég hef áfram hér til vinstri linka á vini mína og önnur blogg sem eru ekki inn á RSSinu hjá Bjarna, ég nefnilega kann ekki að setja þau inn, og grunar að ég þurfi að hafa aðgang að server eða eitthvað til þess að skilgreina þau, eins og Kristján gerði fyrir síðuna okkar.

Mér finnst eiginlega fyndið að hugsa til þess að ég hafi ekki vitað hvað blogg væri fyrr en Mörður stofnaði þessa síðu fyrir okkur í lok október! Og núna les ég öll þessi blogg og er alveg forfallinn bloggari.

Einhverdagur til einskis

2002-05-20T13:45:00.000-07:00

Nú er ég bara heima að tjilla svona barasta á miðjum mánudegi. Ég er búin með verkefnið mitt á labbinu, eða réttara sagt, mér vinnst ekki tími til þess að halda áfram með neitt, þar sem ég er að fara heim á laugardaginn. Þetta er nú ekki allt búið enn, því ég þarf að kynna verkefnið mitt og þessar litlu niðurstöður sem ég fékk fyrir labbfélögunum á labbfundi á fimmtudagsmorgun. Þess vegna á ég að vera svaka dugleg núna að vera að lesa. Og.. auðvitað er ég bara að bloggast á fullu.

Það er sko heldur enginn mánudagur í mér í dag, því ég vann alla helgina, þannig að það er bara svona einhverdagur og þess vegna ætla ég bara að gera einhversdagsverk í dag. Ég er líka næstumþví eins og hinn dæmigerði Íslendingur í dag. Mér segir svo hugur að það sé ekki mánudagur í meirihluta Íslendinga í dag. Samt ekki heldur einhverdagur, heldur frekar bara frídagur.

Fullkomin helgi á labbinu!

2002-05-19T15:13:00.000-07:00

Júhúúúú!!!! Vísindin rokka feitt eina ferðina enn! Ég er komin heim eftir mjög svo fullnægjandi dag á rannsóknarstofunni. Það gekk allt upp sem ég gerði um helgina. Ég er loksins komin með áþreifanlegar niðurstöður til þess að spekúlera í fyrir labbfundinn sem ég held á fimmtudaginn. Það er þungu fargi af mér létt. Nú get ég bara dúllað mér við að búa til glærur og súlurit og lesið mér til um bakgrunn verkefnisins og slegið í gegn á fundinum... eða þannig. Ég þarf líka að vera vel undirbúin, því ég hitti sennilega Kathryn, prófessorinn minn í vikuni og spjalla við hana um hvort ég vilji slást í hópinn með labbinu hennar. Ég þarf að hafa einhverja hugmynd um hvað mig langar að vinna við.

En, ég á frí í kvöld, og við Mörður ætlum að fara á Changing Lanes í bíó. Okkur langar frekar að sjá hana en spæderman eða starvors, það er örugglega svo troðið í bíó á þær núna.

Enn meira stuð á labbinu.

2002-05-19T10:46:00.000-07:00

Já, þá er ég á labbanum eina ferðina enn, og alltaf held ég að mér takist að klára tilraunirnar mínar innan skamms! Hvílíkar ranghugmyndir!

Annars ætla ég að hætta snemma í dag. Ég er búin að dobbla Mörð til að koma með mér út að hlaupa, og svo ætlum við að fara í bíó í kvöld. Annað hvort á Köngullóamanninn, eða á Stjörnustríð -Árás einræktanna.

Stud a labbinu

2002-05-18T15:04:00.000-07:00

Thad hefdi nu sennilega ekki dugad ad banka i spytu i gaer til thess ad koma i veg fyrir ad helgarfriid vaeri onytt, eg hefdi thurft ad banka i heilan skog.

En, thad er svosem i lagi fyrir mig, eg kemst i fri bradum. Eiginmadurinn er samt frekar afskiptur thessa dagana, hann rett ser mig a kvoldin, daudthreytta og urilla.

Vid kiktum til Einars og Isoldar i gaerkvold og hittum thar Ingu Maju og Kidda og Lilju, konuna hans Eyjo. Thad var fint, en eg for nu samt snemma heim, thvi eg aetladi ad vakna snemma. Svona er lif mitt nu aesandi og ahugavert thessa dagana. Eg er samt alveg hreint agaetlega satt, thvi thad er svo mikill luxus ad geta unnid a labbinu a morgnana an thess ad thurfa ad maeta i fyrirlestra. Svo tok eg bara med mer fullt af godri tonlist, og er buin ad vera dansandi yfir plasttupunum og isfotunum. Eitthvad held eg samt ad thad se ekki alveg jafnmikid stud hja honum Merdi.

Rassgatans

2002-05-17T12:57:00.000-07:00

Gleymdi að banka i spýtu áðan þegar ég skrifaði fyrri póstinn í dag. Ég þarf víst að mæta á labbið á morgun til þess að framkvæma hið fullkomna semiquantitative PCR.

Faersla um harla litid og thar ad auki an islenskra stafa

2002-05-17T09:39:00.000-07:00

Jaeja kaeru lesendur, nu faid thid hele omgangen af posti an islenskra stafa... Lyklabordssian hans Sindra virkar nefnilega ekki fyrir Netscape og thetta makkadrasl herna a labbinu er ekki med Explorer.

Thetta er lika postur um ekki neitt, thvi thad hefur bara ekkert gerst i minu lifi sidan i fyrradag. Nema ad i gaer horfdi eg a sidasta thattinn af Friends. Endirinn var alger "cliff hanger", say no more...

Isold og Einar voru annars ad bjoda i party i kvold, aldrei ad vita nema vid skellum okkur. Og svo er ljuf helgi framundan, engin vinna a labbinu, bara lestur fyrir labbfundinn sem eg held a fimmtudaginn, og lestur fyrir naestu rotasjon. Eg held eg thurfi bara einn dag i thad, thannig ad eg get alveg verid pinu thunn a morgun.. jibbi!!!!

Eg er alltaf ad verda svekktari yfir thvi ad missa af utskriftinni hennar mommu. Asta var ad segja mer ad hun hefdi keypt ser svo flotta dragt, og svo verdur kokuveisla. Eg vona bara ad thad verdi einhverjir afgangar handa mer daginn sem eg kem til landsins.

Vinnudagur í dag.....

2002-05-15T20:13:00.000-07:00

Fyrsti heili dagurinn minn á labbinu síðan á föstudaginn er liðinn. Ég PCRaði alveg hreint heil ósköp, og ég stefni á að klára alla blautvinnu í rótasjónsverkefninu mínu fyrir helgi. Þetta var alveg prýðisdagur, þótt langur væri.

Í hádeginu, á meðan PCRið mallaði, fór ég á fyrirlestur hjá engum öðrum en Craig Venter, sem er núna í stjórn TIGR en var áður forstjóri Celera. En Celera er frægast fyrir það að hafa raðgreint genamengi margra lífvera, þar á meðal manna og músa. Þetta var alveg hreint afbragðs fyrirlestur, þar sem Venter sagði stuttlega frá ferli sínum í raðgreiningarbissnessnum og gagnrýndi einnig harðlega NIH og aðrar opinberar stofnanir sem styrkja líffræðirannsóknir, fyrir að vera of fastmótaðar í skoðunum um hvað væru styrkjahæf verkefni. Þetta var nú samt lítill vísindafyrirlestur, hann sagði aðallega brandara og talaði um eigin afrek. Það var nú samt í góðu lagi, því hann hefur afrekað slatta af góðum hlutum.

Ég kom ekki heim úr vinnunni fyrr en klukkan tíu, og skellti mér þá upp til Josh og Melissu að horfa á West Wing, en Mörður var einmitt líka staddur þar. Og núna borða ég bara nammi og undirbý mig andlega fyrir PCR morgundagsins....

Ramble on

2002-05-14T20:16:00.000-07:00

Váááá.. ljúft að vera búin í þessu prófi. Ég er að hugsa um að taka bara próflausa kúrsa hér eftir, það er miklu meira vit í því. Það er ekkert gáfulegt að troða í sig "trökklódum" af staðreyndum og framkvæma svo hið klassíska "data dump" daginn eftir, svo vitnað sé í Martie Chalfie erfðafræðing og ormagaur með meiru.

Ég skellti mér í gymmið eftir prófið og rústaði næstumþví þrekstiganum af æsingi, en ég er á fullu að reyna að koma mér í form fyrir gönguna okkar Herdísar. Það hjálpaði ágætlega til að vera með blöndu af Rammstein og Marilyn Manson remixum á MP3 spilaranum. Ég er annars að fíla þá græju í strimla. Þokkalega nettur.

Kvöldinu varði ég upp í sófa að horfa á einhvern Deitlæn þátt um geðbilaðan morðingja og á meðan leitaði ég að fljótlegum pastauppskriftum í Matreiðslubók Nönnu. En núna þori ég varla að fara að sofa af hræðslu við að dreyma einhverja vitleysu um peningamálastjórnun Seðlabanka Íslands eða annað kjaftæði.....

Óska góðs gengis.

2002-05-14T07:44:00.000-07:00

Já, er ekki bara frábært að það eigi að lækka vexti núna, svona mátulega til þess að lækka gengið á krónunni áður en ég kem í heimsókn til Íslands...
Annars þá dreymdi mig í nótt að rauða strikið hafi brostið. Ágætt að ég var ekki berdreymin þar. Ég ætti kannski að kíkja til sálfræðings, er eðlilegt að mann dreymi svonalagað?

Grauturinn er sangur

2002-05-14T05:45:00.000-07:00

Fall er fararheill..... vonandi, því ég byrjaði daginn á að brenna við hafragrautinn minn. Ég er að hugsa um að sleppa því alveg að fara á labbið í dag og læra bara fyrir prófið til klukkan eitt og fara svo og rústessu. Ég er samt með pínu samviskubit, því ég mætti bara fyrir hádegi á labbið í gær. Jamm, þetta er ekki eins og hið ljúfa líf í Háskólanum þegar maður var bara í prófum þegar maður var í prófum, laumaðist kannski tvisvar í viku og hlóð á nokkra síkvensera upp í Erfðagreiningu... En ekkert hángs, B-frumu þorskunin bíður, ásamt vefjaflokkunarprótinunum....

Hjarta mitt brennur

2002-05-13T13:11:00.000-07:00

Úff, en sorgleg stemning hérna. Það er þrumuveður úti, og ég sit hér inni í hálfgerðu myrkri og reyni að troða í heilann á mér öllu sem ég get um sjálfsofnæmi.... Ugh... mér leiðist að læra um kránkleika. Til þess að hafa nú tónlist í stíl við ósköpin skellti ég Rammstein í, og hækkaði. Kránkleikar og Mein Hertz brennt passa ágætlega saman.

Stríðsvélin

2002-05-13T05:08:00.000-07:00

Heyr, heyr! Það er svo gott að lesa svona færslu eins og Herra Muzak skrifar, þegar maður er umkringdur öllum hernaðaráróðrinum. Mörður benti mér líka á annan punkt. Bandaríski herinn er auðvitað ólmur að komast í stríð, því verk hans er m.a. að ala upp einstaklinga sem kunna að heyja stríð. Það versta sem gæti komið fyrir herinn er að það væru margar kynslóðir í hernum sem hefðu aldrei farið í stríð....

Kvenmannsleysi

2002-05-12T19:54:00.000-07:00

Ég var að blammera strákana á frjálshyggju.is. Ha, ha, ha..... Ég sagði við þá að það væri greinilegt á öllum skoðunum þeirra að þá hrjáði kvenmannsleysi..... Svona er nú gaman að lesa ónæmisfræði....

Próflestur????

2002-05-12T06:53:00.000-07:00

Núna á ég að vera að læra fyrir ónæmisfræðipróf. Og auðvitað er ég ekki að því. Ég er nefnilega orðin leið á að vera bara með eina síðu á blogger og eiga ekki alvöru heimasíðu þar sem ég get sett inn eitthvað fleira dót. Þannig að ég er búin að ver að læra á UNIX, svona bara einhverjar beisik skipanir þannig að ég geti breytt skránum mínum á Columbia heimasvæðinu mínu þannig að allir geti lesið þær. Komst líka að því mér til einskærrar ánægju að FTP var ekki eitthvað hræðilegt monster og erfiður prósess til þess að færa skrárnar mínar inn á heimasvæðið mitt. Ég hef oft notað FTP, ég vissi bara ekki af því að það héti FTP (jamm, pínu blonde). Og svo þegar ég verð búin í prófum, þá ætla ég að læra að búa til mína eigin heimasíðu. Jibbí!